So begin die storie

Naby die dorpie Clarens in die Vrystaat staan daar hoë, geel kranse. Vandag wei daar beeste, en in die winter lê die sneeu op die berge. Maar tweehonderd miljoen jaar gelede het dit daar heeltemal anders gelyk. En op daardie selfde plek het ’n reus geloop. Hierdie storie is waar. Ons weet dit, want die reus het sy bene vir ons agtergelaat.
In daardie tyd was daar nog geen Vrystaat nie. Daar was nie eens ’n Afrika soos ons dit ken nie. Al die lande van die wêreld het nog aan mekaar vasgesit, in een yslike stuk land. Waar Clarens vandag is, was dit plat en warm, met riviere wat in die somer vol was en in die winter opgedroog het. Daar was varings en naaldbome, maar nog geen gras of blomme nie.
… Die storie het 14 bladsye. Elke woord lig op soos dit voorgelees word.
Luister na die hele storie, gratis








