So begin die storie

As jy op ’n donker aand deur ’n teleskoop na die regte plek in die lug kyk, sien jy iets wat jou asem wegslaan. ’n Klein goue balletjie, en reg rondom hom ’n ring. Dit lyk soos ’n speelding. Maar dit is ’n planeet, baie groter as die Aarde. Dit is Saturnus. Kom ons klim in ’n ruimtetuig en gaan kyk van naby.
Dit is ’n lang reis. Saturnus is omtrent tien keer verder van die Son af as ons. ’n Ruimtetuig met die naam Cassini het amper sewe jaar gevlieg om daar te kom. Hier ver weg is die Son net ’n baie helder ster. Dit is skemer en yskoud. Selfs lig, wat in agt minute van die Son tot by die Aarde kom, vat meer as ’n uur tot hier.
… Die storie het 14 bladsye. Elke woord lig op soos dit voorgelees word.
Luister na die hele storie, gratis








