So begin die storie

In die bosveld, onder ’n groot maroelaboom, is ’n olifantjie gebore. Sy ma het amper twee jaar lank vir hom gewag, want so lank dra ’n olifantkoei haar kleintjie. Hy het omtrent soveel soos ’n groot man en ’n halwe nog geweeg, en hy was die kleinste olifant in die hele trop. Sy ma het hom Jabu genoem. Dit kom van ’n woord wat vreugde beteken.
Binne ’n uur het Jabu op sy vier dik beentjies gestaan. Hulle het gebewe, maar hulle het gehou. Rondom hom het ’n muur van grys bene gestaan. Dit was sy ouma, sy tantes en sy niggies. By olifante maak die hele familie ’n kleintjie saam groot. En heel voor het sy ouma gestaan, die oudste en slimste koei. Sy lei die trop.
… Die storie het 14 bladsye. Elke woord lig op soos dit voorgelees word.
Luister na die hele storie, gratis








