So begin die storie

Ver in die noordweste van Suid-Afrika lê Namakwaland. Dit is ’n droë wêreld. Die meeste van die jaar is die grond daar bruin en kaal, met klippe en lae grys bossies so ver as wat jy kan sien. In die somer brand die son, en dit reën amper nooit. As jy dan daar verbyry, sal jy dink hier groei niks.
Karien se ouma woon op Kamieskroon, ’n dorpie reg in die middel van Namakwaland. Elke jaar kuier Karien in die Desembervakansie by haar, wanneer alles droog en warm is. Maar vanjaar het Ouma gebel. “Kom hierdie keer in Augustus,” het sy gesê. “Ek wil jou iets wys wat jy nog nooit gesien het nie.”
… Die storie het 14 bladsye. Elke woord lig op soos dit voorgelees word.
Luister na die hele storie, gratis








