So begin die storie

Elke Sondag eet die hele familie by Ouma Katryn. Daar is hoender en geelrys en soetpampoen, en altyd te veel poeding. Ouma is klein en vinnig, en sy het net een geheim. Haar tande is nie haar eie nie. Hulle slaap snags in ’n glas water langs haar bed. Die kleinkinders weet dit, maar hulle mag nie daaroor praat nie.
Hierdie Sondag is die dominee genooi. Ouma is sedert vyfuur op. Die tafel is gedek met die goeie borde. Elf-uur kom die familie aan: Oom Chris en Tannie Riana, Stoffie die hond, en die twee kleinkinders, Janneman en Bongi. Ouma maak die deur oop. Sy glimlag nie. Sy hou haar hand voor haar mond.
… Die storie het 14 bladsye. Elke woord lig op soos dit voorgelees word.
Luister na die hele storie, gratis








